Aipatu dugu Euskal Herrian herritik herrira euskara aldatu egiten dela, eta hizkuntza euskarak tokitik tokira jasan ditzakeen bariazio horiei euskalkiak deritzegula.

Ikusi hurrengo bideoa: Begira nola aldatu daitezkeen hitzak euskaldien arabera!

Guk bizkaieran jarriko dugu fokua oraingoan ere. Atal honetan hilabeteak bizkaieraz nola esaten diren ikusiko dugu.

Batueraz	Bizkaieraz	Jatorria
Urtarrila	Ilbaltz	Urteko hilabete honetan egon ohi den argi eskasiarekin izan dezake izenak zerikusia.
Otsaila	Zezeila	Gure lurraldeetako eguraldi eskasaren ondorioz, mendietan zebiltzan zezenak herrietara hurbiltzen ziralako.
Martxoa	Martia	Martitz/Marte jainkoaren omenezko izena da.
Apirila	Jorraila	Jorratze hilabetea.
Maiatza	Lorail	Loreak loratzen diren hilabetea.
Ekaina	Bagila	Adituek diotenez, ilea mozteko edo ebagitearekin izan dezake lotura.
Uztaila	Garila	Garila bilatzen zen hilabetea.
Abuztua	Agorrila	Lehorte edo agortze egoerekin zerikusia izan dezake deiturak.
Iraila	Iraila	Iratzearen hila.
Urria	Urria	Zuhaitzetako hostoen erorrerarekin izan dezake lotura estua.
Azaroa	Zemendia	Hazien aroa.
Abendua	Gabonila	Gabonak ospatzen diren hilabetea.